Hemen duzue Urgarden taldearekin joan den apirilaren 21ean Astigarragan egin genuen azken garbiketa jardunaldiaren bideoa. Jatorri eta adin ezberdineko 50 lagun elkartu ginen, tartean Astigarraga, Hernani, Andoain, Donostia, Martutene eta Usurbilgo jendea, eta ez ditugu ahaztu behar Romi Bidean Elkartetik etorri ziren errumaniarrak, URAko langileak eta Astigarragako udaletxeko jendea ere. Argazkietan eta bideoan ikus daitekeen bezala, bistan da auzolanaren emaitzak oso ona izan zirela. Ekimenaren amaiera aldean euri dexente bota zuen baina horrek ez zuen oztopatu lanaren ostean mokadutxo on bat eta sagardo dastaketa bat egitea. Eskerrik asko!!
Datorren hitzordua Martutenen izango da datorren maiatzaren 13an eta berezitasun bat izango dut jardunaldi honek, izan ere Olatu Talka ekimenaren parte izango da. Anima zaitezte eta parte hartu!!
Lanean hasi aurretik zenbait gomendio
Lehengo egoera
Lanean jende mordoa
Eskuinaldeko ibai bazterraren garbiketa amaituta
Ibai bazterraren ezkerraldean jasotako zaborra
Ibaiaren egoera garbiketaren ondoren
Amaierako euri zaparrada!
Lan-taldea
Amaierako euri zaparrada!
No hay comentarios:
Publicar un comentario