Joan den larunbatean Martuteneko Pilar auzoan elkartu ginen Urgarden bolondres taldearekin eta Urumea ibaiaren garbiketa lanetan aritu ginen. Guztira 30 bat lagun elkartu ginen eta oso gustura gelditu ginen egindako lanarekin. Zabor pila bat atera genuen bertatik: motoa, bizikletak, arropak, obretako hondakinak, bulegoko aulkiak... Egia esateko ez genuen eguraldi ona espero, baina primerakoa izan zen! Lanaren ondoren tertulia saiotxo izan genuen mokadutxoa eta sagardoa pixka bat edanaz. Ondoren etxera eta dutxara!
Eskerrik askon Urgarden taldeari egiten ari den esfortzu eta lanagatik, eta baita gerturatu zineten guztioi!
Hurrengo hitzordua Astigarragan izango da, apirilaren 21ean. Anima zaitezte!
Hona hemen Martutenen egindako lanaren bideo labur bat eta zenbait argazki:
No hay comentarios:
Publicar un comentario